«Хоббит» — Джон Толкиннің «Сақиналар әміршісі» трилогиясының прологі саналатын әлемге әйгілі туындысы. Кітапта кішкентай хоббит пен достарының басынан кешкен шым-шытырық оқиғалары баяндалады. Бейбіт халықтың байлығын алып айдаһар Смауг зұлымдықпен тартып алып, ғасырлар бойы сол аймақ пен қазынаға иелік етіп отыр. Тажалмен күресуден тайсал
май, қазынаны тиісті иесіне — Тау асты әміршісінің немересі мен халқына қайтаруды жоспарлаған хоббит Бильбо Бэггинс, Трор Оукеншильд бастаған 13 гном және сиқыршы Гэндальфтың сапары ұзақ әрі қауіпке толы болмақ. Олар бұл жолда көп қиыншылыққа кезігеді, жаңа достар табады, тығырықтан шығар жол іздейді. Ал айдаһарды жеңе ала ма? Әр күні үрейге толы халықтың басына бейбіт күн орнатуға күштері жете ме? Қазынаға қол жеткізу мүмкін бе?

Жюль Верннің шытырман оқиғалы классикалық әдеби туындыларын, шын мәнінде, көріпкелдік деуге болады. Кезінде шығармаларында бейнелеп жазылған барлық техникалық өнертабыстар қазір шындыққа айналып отыр. Ұшақ, тікұшақ, теледидар, реактивті зымырандар, суасты қайықтары — оның шығармаларындағы кейін шындыққа айналған ғажайыптардың бір бөлігі ғана. Қазіргі өркениеттің кез келген жетістігі бізге үйреншікті көрінгенімен, теңіз түбіне терең бойлау, әуе шарымен биікке самғау, Солтүстік белдеуге, Айға саяхат жайындағы әңгімелер сол жүз жыл бұрынғысындай оқырманын елітіп әкетеді.
«Су астындағы жиырма мың лье» романындағы оқиға жаратылысы жұмбақ Немо капитан басқарған «Наутилус» суасты кемесінде өрбиді. Осынау құпиясы көп құрылғыны өмірлеріне қауіп төндіретін суасты алыбына балайды да, оның соңына түседі. Тек мықтымын деген азғана топқа суасты кемесінің бортына мініп, таңғажайып сапар шегу мәртебесі бұйырады.

Керқұла атты Кендебай, Таусоғар мен Көлтауы- сарды жолдас еткен Ер Төстік, алтын сақасын іздеген бала, Ай астындағы Айбарша сұлу мен Күн астындағы Күнікей қыз – халық ертегілерінің қаһармандары барша мұратына жетіп, баланың қиялына қанат бітіреді. Ертегінің кез келген кейіпкері – ақылды тасбақа мен қоян, қарға мен кірпі, тіпті кішкентай құмырсқаның өзі мейірімділікке, ізгілікке баулиды. 

Лорд Гленарван және оның жұбайы Элен, алаңғасар географ Паганель, батыл теңізші Джон Манглс, майор Мак-Наббс, капитан Гранттың балалары — Мери мен Роберт кемемен жаһанды шарлай саяхаттап, Патагонияны, Австралияны, Жаңа Зеландияны кесіп өтеді. Олар су тасқынынан бас сауғалап, жер аударылған адамдармен кездеседі, адам жегіштердің тұтқынына тап болады, бірақ осындай қиындықтарға қарамастан, кемесі апатқа ұшыраған Гарри Грантты іздеп табады. 

Бұл қызды білмейтін жан жоқ шығар, бірде ол қоянның ініне түсіп кетіп, «Ғажайыптар еліне» тап болған еді, ал осы жолы айнаның ішінен бір-ақ шықты! Оның аты Алиса. Ол салт-дәстүр қатты құрметтелген, әдептілік заңы қатаң сақталған викториан дәуіріндегі Англияда өмір сүреді. Мұнда гүлдердің тілін және қол алысу өнерін, сондай-ақ теміржолда жүру ережелерін үйреніп қана қоймай, Пешкадан Патшайымға айналу жолын жүріп өтесіз. Сондай-ақ кітаптан көбелек моржбен жұп құра ала ма, балықпен не туралы сөйлесу керек, устрицалар джига билей ме, шоколадты қашан ойлап тапты, маркизді бароннан қалай ажыратуға болады, арыстан не себепті сыңармүйізбен төбелеседі деген сияқты қызық сұрақтарға жауап табуға болады. 

Бұл шығарма - Грек мифологиясына негізделген шытырман оқиғалы, қиял- ғажайыпқа толы роман. Он екі жасар Перси Жәксонның өмір жолы грек мифологиясы кейіпкерлерінің пайда болуына байланысты қауіп-қатерге тап болады. Персидің анасына деген сүйіспеншілігі һәм отбасын бағалайтын асыл қасиеті шайқас жолындағы кедергілерді жеңіп шығуына көмектеседі. Ерлікке толы ізденіс ертегісі оқырманды миф пен шынайы өмірдің, тарих пен заманауи әлемнің шекарасынан емін-еркін алып ұшып өте алады. Кітап мектеп жасындағы өрендерге және шытырман оқиғаларды сүйіп оқитын барша оқырмандарға арналады.

Балаңыз келешекте ақшасы көп, табысты адам болсын десеңіз, оны қазірден еркелетпей өсіріңіз дейді автор. Еркелетпеудің бір көрінісі - баламен ақша туралы шынайы сөйлесу. Балаңызға кірісіңіз бен шығыныңыз туралы барды бардай айта аласыз ба? Балаңызды әлдебір нәрсені дәл қазір емес, кеінірек сатып алуға, тіпті соның қажет не қажет емес екенін ақылдасып анықтауға көндіре аласыз ба? Автордың осы туындысына арқау болған мыңдаған кейстің сыры да сол - ата-анаға баласына ақша ұстауды үйретуді үйрету. Кітаптың мақсаты - отбасы, мектеп пен қоғамдағы ақшаның рөлі туралы әңгіме бастау. Әлбетте, бұл үлкен әңгіменің аяғы емес, басы ғана. Кітапта бірінші жақ көпше және жекеше түрде мен және біз дегенді, содан соң балалар деген сөзді көп айтамын, оған екі себеп бар. Әдетте, біз, ата-аналар, баланың бойында ізгі қасиет, құндылық пен жақсы мінез қалыптастыруда ойымыз жерден шығады деп ойлаймыз. Балалар деген көпше түрдегі сөзге келсек, солай қолданған ыңғайлы. Мен бір баланың әкесімін, ал кей отбасында екі не одан да көп бала бар. «Балалар» деген сөз «ол» деген есімдіктен жақсырақ.

Бітпейтін қыс құрсауында қалған... еркіндікті аңсаған ел Нарния... Бұл – Питер, Сюзан, Эдменд және Люси деген ағайынды төрт баланың басынан өткен шытырман оқиға. Олар киім шкапына кіріп кетіп, Сұр мыстан ашса алақанында, жұмса жұдырығында ұстап отырған Нарния еліне тап болады. Үміт оты сөнуге айналғанда  Ұлы арыстан – Аслан оралады. Ол бәрін өзгертті... тіпті өмірін құрбан етті.

Тасада отырып тұзақ құрған мыстан... Орманда жайылып ж.рген тіл біткен хайуандар... Әне-міне дегенше жаңа бір әлем тумақ. Ол – Нарния. Бір өмірді ажалдан арашалап қалғысы келген екі дос өзге әлемге тап болады. Мұнда бұларды құл қылмақ болған зұлым сиқыршы бар. Тек аслан салған ән дүйім жұрт нарния деп таныған жап-жаңа жерге кілем болып төселді. Ал Нарнияда мүмкін емес нәрсе жоқ.

Айдаһарлар мен олардың әміршілері қызық жағдайға тап болғаннан кейін, зұлым сиқырдың әсерінен Ананың Күн айдаһары Кепри науқастанып қалды. Ал Дрейктің айдаһары Жауынқұрт өз ойының күшімен заттарды орнынан жылжыта алатын болып шықты. Кепри және төрт айдаһар әміршісі қамалдан ұзап шығып, дәрі іздеуге барады. Сонда да зұлым сиқырдың күші жойылар емес. 

Сегіз жасар Дрейкті пияз алқабын қазып жатқан жерінен патша сарбазы ұстап алып, қамалға алып келеді. Сиқыршы Гриффит Дрейкке оның Ана, Рори, Бо секілді Айдаһар әміршісі екенін айтады. Оған айдаһары Жауынқұрттың қандай күші бар екенін тап деген міндет жүктейді.

Маған Хәрри Поттерді ұстап беріңдер, - деді Волдеморт. Сонда өзге ешкім жапа шекпейді. Хәрри Поттерді беріңдер, мектепке тимеймін. Хәрри Поттерді берсеңдер бәріңді марапаттаймын. Хәгридің мотоцикліне мініп әуеге көтерілген Хәрри Поттер Қынаағаш көшесіне енді оралмайды. Лорд Волдеморт пен Тажалдар өкшелеп қуып келеді, Хәрриді қорғаған сиқырдың күші таусылды, енді олардын жасырына алмайды.

Сиқыр министрлігі Волдемортпен шайқаста әлсіреп қалады. Тіпті маглдардың өзі бұл соғыстан зардап шегеді, себебі ешкімге белгісіз апаттар орын алады. Феникс ордені бұл шайқаста жақсы сиқыршыларын жоғалтады. Соғыспен қатар өмір де ұласа береді. Барлық он алты жасар балалар сияқты Хәрри, Рон және Хәрмионаның басынан сезімі басым біраз жәйттар да өтеді. Дегенмен, Дамблдордың мектепті қорғауға бағытталған барлық күш-жігеріне қарамастан, Хогуартста өте оғаш оқиғалар орын алады. Бұл жолы еске алу бөлмесі Хәрриге қараңғы Лордтың ең үлкен құпиясын ашады және жеңу үшін Хәрри ең құнды дүниесін құрбан етуге мәжбүр болады... Бұл соғыста жұмбақ болған Шалақан ханзада қай тарапта болар екен? Автор туралы: Ж.К. Роулиң әлемге 1997-2007 жылдар аралығында жарық көрген Хәрри Поттер туралы жеті кітаптың авторы ретінде танылды. Хәрри туралы кітап жазу идеясы автор бірде Манчестерден Лондонға пойызбен бара жатқанда келіпті. Хәрри, Рон мен Хәрмионаның басынан кешкен ғажайып оқиғасы 500 миллион данадан астам таралыммен сатылып, сексеннен астам тілге аударылды және кітап желісімен сегіз блокбастер фильм түсірілді. Хәрри Поттер сериясынан бөлек автор қайырымдылық мақсатта «Ғасырлардан жеткен куидич», «Фантастикалық мақұлықтар және олар мекендейтін аймақтар» (Comіc Relіef және Lumos қорына көмек) және «Бидл Бард туралы ертегілер» (Lumos қорына көмек) атты үш роман жазды. Роулиң Жек Торн және Жон Тиффанимен бірлесіп Хәрри туралы хикаяның жалғасы – «Хәрри Поттер мен қарғыс тиген бала» пьесасын жазды. Премьерасы 2016 жылы Лондонда өткен спектакль қазір Еуропа, Солтүстік Америка және Австралия театрларында қойылып жатыр. Сол жылы «Фантастикалық мақұлықтар және олар мекендейтін аймақтар» фильміне сценарий жазып, сиқырлы хайуандарды зерттеуші Нют Скамандер туралы серияны бастады. Сиқыр әлемі туралы кітаптар жазбаған кезеңдерінде Роулиң шынайы әлемдегі ересектерге арналған романдар жазады. Ол ес білгелі жазушы болуды армандапты, өзінің айтуынша, бөлмеде оңаша қалып жазуға отырғанда «ең бақытты сәтті» бастан кешеді. Роулиң – OBE және Companіon of Honour сынды көптеген марапаттар мен жүлделер, «Blue Peter» алтын төсбелгісінің иегері. Қазір отбасымен бірге Шотландияда тұрады.

Қазақстандағы Steppe & WORLD Publishing баспасы ағылшын жазушысы Жоан Роулиңнің "Хәрри Поттер" романдар сериясының бесінші кітабын аударды.

Чемпиондар осы оқу жылында үш тапсырма орындайды: оларды түрлі сынақ күтіп тұр… Сиқырды қалай меңгергені, батылдығы, тез шешім қабылдау қабілеті және… қауыпті жағдайдан шыға алуы сыналады.

Кітаптың басты кейіпкері Грег Хефли әр түрлі күлкілі және қайғылы оқиғаларға енетін қарапайым мектеп оқушысы. Оның күнделігі - көңілді жазбалар мен бұзық оқиғаларға толы. Грег орта мектептегі басынан өткен оқиғаларды күнделігіне жазып отырады. Ол жерде Раули екеуі шыбықтай болып алып, сақал-мұрттары өсіп кеткен дөкейлердің арасында аман қалуға тырысады. Бірақ Раули танымал бола бастағанда Грег екеуінің достығын сақтап қалу үшін жанкешті амалдарға жүгіне бастамақ. Кітап әлемнің 65 тіліне аударылып 200 миллион дана сатылған! 8-13 жас аралық мектеп жасындағы балаларға арналған. Қазақ-ағылшын тілінде оқыңыз. Бір кітапта 2 мәтін: қазақша және ағылшынша.

«Кішкентай шахзада» ертегісі — Антуан де Сент-Экзюперидің ең танымал аллегориялық шығармасы. Tуындыда автордың арманшыл әлемі суреттеледі. Бұл — ертегі-хикаят болғанмен, ересектерге арналып жазылған, әр адамның бала болғанын еске салатын туынды. Кішкентай бүлдіршіндердің барлығы күнделікті өмірді ертегідей қабылдайды. Бірақ есейген соң бұл қасиеттің жоғалатыны өкінішті. Сіздерге Тәкен Әлімқұловтың тілі шұрайлы, көркемдік деңгейі жоғары аудармасы ұсынылып отыр.

Сказка «Маленький принц» — самое известное аллегорическое произведение Антуана де Сент-Экзюпери. В произведении описан мечтательный мир автора. Хоть это и сказка, но написана для взрослых и напоминает всем, что они были детьми. Все маленькие дети воспринимают повседневную жизнь как сказку. Но жаль, что это качество теряется после взросления.

Сказание о батыре Алпамысе уходит корнями в далекое прошлое казахского народа, в этой легенде нашли отражение его древние представления о красоте, щедрости, мудрости и отваге.
Несметными богатствами владеет бай Байбори из рода конрат. Но нет у него самого главного - детей. Байбори и его жена Аналык на склоне лет совершают паломничество к мавзолею святого Азрета в надежде вымолить ребенка.
И - о чудо! - у них рождается сын, а потом и дочь. Сына родители называют Алпамысом, а дочь получает имя Карлыгаш.
Алпамыс обретает истинную богатырскую силу, он становится защитником угнетенных и обездоленных и избавляет обетованную землю Жидели Байсын от злодея Ултана.

Бұл топтамаға ең таңдаулы, танымал халық ертегілерінің жинақтары кіреді. Ондағы әдемі суреттер баланың ертегі кейіпкерлерін танып, сезініп, мазмұнын терең түсінуіне мүмкіндік береді. Балаларды кішкентайынан халық ауыз әдебиетімен сусындатып, олардың ой-өрісін, танымдық қабілетін дамытады. Бабаларымыздың тұрмысымен, әдет-ғұрпы мен салт-дәстүрлерімен таныстырады. Мұқабасы қатты, көркем суреттермен безендірілген бұл жинақтар кішкентай бүлдіршіндерге ғана емес, сондай-ақ ересектерге, ұстаздар мен балабақша тәрбиешілеріне де арналады. Ертегі жинақтары қазақ және орыс тілдерінде шығарылып отыр.

Жужан хандығын басып алған соң, түріктер бағынған елге өз билігін орнатып қана қоймады, жаңа мемлекеттің іргетасын қалауға кірісті. Ол тарихқа Түрік қағанаты деген атпен кірді. Естемі тарихқа батыс Түркістанды жаулаушы Батыс Түрік қағанаты әмірші әулетінің негізін қалаушы ретінде енді. Шығыста оның иелігі Вэй империясымен, батыста Византиямен, ал оңтүстікте Персия және Үндістанмен шектесті. Захватив Жужаньское царство, тюрки не просто установили свою власть в покоренной стране, они начали создавать новое государство, которое вошло в историю под названием Тюркский каганат. В историю Истеми вошел как завоеватель Западного Туркестана и родоначальник династии правителей Западнотюркского каганата. На востоке его владения граничили с империей Вэй, на западе - с Византией, а на юге - с Персией и Индией.

Он бес жасында неміс концлагерінде қаза тапқан Анна Франктің Амстердамда отбасымен бірге бас сауғалап жүріп жазған күнделігі бүкіл әлемге әйгілі болды. Әуел баста, 1944 жылғы көктемге дейін, ол күнделігін тек өзіне арнап жазып жүрген. Сол көктемде «Оранье» (эмиграциядағы Нидерланд үкіметінің Лондоннан хабар тарататын радио- станциясы) радиосынан Нидерланд Үкіметінің білім министрі Болкенстейннің сөйлеген сөзін тыңдайды. Министр неміс басқыншылығы кезінде Нидерланд халқы көрген қиянат-азаптың бүкіл айғақ-дәлелі жинақталып, жариялануға тиіс дейді. Басқа да көптеген дәлел арасында хаттар мен күнделіктер де аталады. Осы сөздің әсерімен Анна соғыс аяқталған соң Күнделігіне сүйеніп кітап жазамын деп ұйғарады. Ол алдымен күнделігін тазалап көшіріп, толықтырып, түзетіп, өзіне аса қызық көрінбеген кей тұсын өшіріп, кей тұсын есінде қалған оқиғаларға сүйене отырып қайта жазып қосқан. Сонымен қатар бұрынғы күнделігін де тоқтатпаған. 1986 жылы шыққан ғылыми басылымда ол «А» нұсқасы, ал толықтырылған екінші күнделік «Б» нұсқасы деп аталған. Аннаның ақырғы жазбасы 1 тамызда жазылыпты. 1944 жылғы 4 тамызда жасырынып жүрген сегіз адам Жасыл полицияның қолына түскен....

Кітаптың басты кейіпкері Грег Хефли әр түрлі күлкілі және қайғылы оқиғаларға енетін қарапайым мектеп оқушысы. Оның күнделігі - көңілді жазбалар мен бұзық оқиғаларға толы. Грег орта мектептегі басынан өткен оқиғаларды күнделігіне жазып отырады. Ол жерде Раули екеуі шыбықтай болып алып, сақал-мұрттары өсіп кеткен дөкейлердің арасында аман қалуға тырысады. Бірақ Раули танымал бола бастағанда Грег екеуінің достығын сақтап қалу үшін жанкешті амалдарға жүгіне бастамақ.

Книга «Мама» Элен Дельфорж – стала событием на европейских выставках. Книга-исповедь, книга-посвящение. Бельгийский художник Квентин Гребан создал 32 акварели, посвященные материнству, и к 30-ти из них Элен Дельфорж написала тексты. Получился уникальный альбом и сборник историй, сотканных из материнской нежности, надежды, сомнений, слез и безграничной любви. На казахском одна из стишков звучит так же легко и трогательно, как в оригинале:
Уәдем осы, келгенше соңғы сағатым,
Қинала қалсаң – құшағым ашық, балашым.
Сиқырлы күші аналық аппақ сезімнің,
Дәру боп жазар жаныңның барлық жарасын.
Содан соң сені қайтадан атқа қондырам.
Шығарып салам батамды беріп, қол бұлғап.
Еңсеңді көтер!
Ұмтылып алға жел құсап!
************************
Бір күні әлім кетіп қартаямын.
Сырқаттанып күшім де ортаяды.
Әжім басып бетімді, қыртыстанып,
Ессіз кемпір мен сонда атанармын.
Қуанатын нәрсе емес, өмір заңы.
Амал жоқ, қабылдаймын, қорықпаймын.
Бір нәрседен тек қана үрейленем:
Көргің келмей сен мені жүрмейсің бе?
Қашып менен, үйіме кірмейсің бе?
Міндетім деп келгенде анда-санда,
Сағатыңа үңіле бермейсің бе?
Қорқамын күтем бе деп секунд санап,
Асығыс кетсе екен деп бөтен адам.
Ол туралы дәл қазір не себепті?
Жоғалтам деп баламды мен жабығам?
Балам әлі кішкентай, неден қорқам?
Жол бермеймін мен бұған, жасаймын қам!
Сенімен бірге өткізген әр минутым
Бағалы дүниенің алтынынан.
Болсын десең сапалы болашағың,
Қартайғанда жемісін көрер шағың,
Дәл қазір себу керек ізгіліктің,
Балаңның санасында өсер дәнін.

Танымал американдық жазушы Стивен Кинг бұл романында оқырмандарды Луизиана штатында орналасқан Суық Тау түрмесіндегі сұмдық оқиғалардың куәсі болуға шақырады. Өлім жазасына кесілгендерді жазалауға арналған Олд Спарки электр орындығына апаратын дәлізді тұтқындар Жасыл миль атап кеткен. Түрме бақылаушысы Пол Эджкум мен басқа күзетшілер кей жағдайлардың біз ойлағаннан әлдеқайда басқаша екеніне көзі жетеді. Кейде темір тордың арғы жағындағы қылмыскердің адамгершілігі кәдуілгі адамнан артық болуы мүмкін. «Е» блогындағы тұтқындар үшін ажал өмірдегі барлық қайғы-қасіреттен арылудың жалғыз жолы болып қалады. Кітап көпшілік оқырман қауымға арналған.

КЕЗБЕ СЕРІ қараңғы түнде шамы жарқ етіп алдынан шыға келіп, ШИҚЫЛДАП тоқтай қалғанда, Хәрри Поттер Хогуартстағы тағы бір ерекше оқу жылын бастайтынын сезді. Лорд Волдемортқа сатылған, талай адамды мерт қылған Сириус Блак ТҮРМЕДЕН ҚАШЫП КЕТІПТІ, оның ендігі көздегені Хәрри болса керек. Көріпкелдік сабағында профессор Трелони Хәрридің шай жапырағынан өлім НЫШАНЫН көреді… Бірақ ең СҰМДЫҒЫ – мектепті торыған ДЕМЕНТОРЛАР, олар СҮЙГЕН адамның тірі қалғаннан өлгені артық...

Гарри Поттер — сиқыршы. Ол екінші курста Хогвартс сиқыршылар мен сиқыршылар мектебінде оқиды. Ол биылғы жыл алдыңғы жылдағыдай оқиғалы болатынын біледі ме? Үш қатты дос, Гарри, Рон және Гермиона, жақында күнделікті сусындар, гербология, сиқырлар, қараңғы өнер мен Квиддичтен қорғайды. Бірақ содан кейін қорқынышты және жұмбақ нәрселер басталады. Гарри таңқаларлық дауыстарды естуді жалғастыруда, сұмдық және қараңғы хабарлар пайда болады, содан кейін Рон Джиннидің әпкесі жоғалады. Гарри Поттер мен Сиқыршының тасындағы осы қызықты сюжетте Хогварстың қараңғы жағы көрінеді.