«Хоббит» — Джон Толкиннің «Сақиналар әміршісі» трилогиясының прологі саналатын әлемге әйгілі туындысы. Кітапта кішкентай хоббит пен достарының басынан кешкен шым-шытырық оқиғалары баяндалады. Бейбіт халықтың байлығын алып айдаһар Смауг зұлымдықпен тартып алып, ғасырлар бойы сол аймақ пен қазынаға иелік етіп отыр. Тажалмен күресуден тайсал
май, қазынаны тиісті иесіне — Тау асты әміршісінің немересі мен халқына қайтаруды жоспарлаған хоббит Бильбо Бэггинс, Трор Оукеншильд бастаған 13 гном және сиқыршы Гэндальфтың сапары ұзақ әрі қауіпке толы болмақ. Олар бұл жолда көп қиыншылыққа кезігеді, жаңа достар табады, тығырықтан шығар жол іздейді. Ал айдаһарды жеңе ала ма? Әр күні үрейге толы халықтың басына бейбіт күн орнатуға күштері жете ме? Қазынаға қол жеткізу мүмкін бе?

Кішкентай Жұлдыз әрі-бері дөңбекшіп, мүлдем ұйықтай алар емес. Оң жаққа бір бұрылды, сол жаққа бір бұрылды. Сонда да ыңғайын таба алмады. Ұйқысы ұшты-күйлі жоқ. Әкесі оған әдеттегідей қызықты ертегілер айтты, жылытып, тәтті сүт әкеліп берді, ол тіпті сүйікті ойыншығын да жанына алып жатты, алайда ұйқысы келе қоймады.

Өзеннің арғы бетінде жаңа базар ашылады. Құлыншақ таңертең ояна сала, базарға барып, жаңа піскен жеміс-жидектердің дәмін татуға аңсары ауады. Жолда оған Қошақан, Торай, Мекиен, Бұзауқан кездесіп, өздерін бірге ала кетуді сұрайды. Барлығы Құлыншақтың арқасына мініп алып, өзеннен де өтеді.
«Тарпылдақ», «Мен мықтымын!», «Көңілді тамшылар» сияқты кітаптарымен танымал доминиканалық балалар жазушысы Анья Дамирон және суретші Пабло Пино кішкентай оқырмандарды кітап кейіпкерлерімен бірге қызықты сапарға шақырады.

Жюль Верннің шытырман оқиғалы классикалық әдеби туындыларын, шын мәнінде, көріпкелдік деуге болады. Кезінде шығармаларында бейнелеп жазылған барлық техникалық өнертабыстар қазір шындыққа айналып отыр. Ұшақ, тікұшақ, теледидар, реактивті зымырандар, суасты қайықтары — оның шығармаларындағы кейін шындыққа айналған ғажайыптардың бір бөлігі ғана. Қазіргі өркениеттің кез келген жетістігі бізге үйреншікті көрінгенімен, теңіз түбіне терең бойлау, әуе шарымен биікке самғау, Солтүстік белдеуге, Айға саяхат жайындағы әңгімелер сол жүз жыл бұрынғысындай оқырманын елітіп әкетеді.
«Су астындағы жиырма мың лье» романындағы оқиға жаратылысы жұмбақ Немо капитан басқарған «Наутилус» суасты кемесінде өрбиді. Осынау құпиясы көп құрылғыны өмірлеріне қауіп төндіретін суасты алыбына балайды да, оның соңына түседі. Тек мықтымын деген азғана топқа суасты кемесінің бортына мініп, таңғажайып сапар шегу мәртебесі бұйырады.

Бұл кітапша кішкентай бүлдіршіндерді жыл мезгілдерімен, әр мезгілде киетін киім-кешектің түрлерімен таныстырады. Кітапша баланың ұсақ қол моторикасын дамытатын түрлі тапсырмалардан, 12 жапсырмадан және жұмбақтардан құралған.

Керқұла атты Кендебай, Таусоғар мен Көлтауы- сарды жолдас еткен Ер Төстік, алтын сақасын іздеген бала, Ай астындағы Айбарша сұлу мен Күн астындағы Күнікей қыз – халық ертегілерінің қаһармандары барша мұратына жетіп, баланың қиялына қанат бітіреді. Ертегінің кез келген кейіпкері – ақылды тасбақа мен қоян, қарға мен кірпі, тіпті кішкентай құмырсқаның өзі мейірімділікке, ізгілікке баулиды. 

Көңілді әрі ақ пейілді Уго қонжық табиғатты, әр жыл мезгілінің сұлулығын сүйеді. Алайда жаңбыр тамшылары себелеп, найзағай ойнай бастағанда, қонжықтың жүрегіне қорқыныш ұялап, не істерін білмей қалады.
«Көңілді тамшылар» — өмірге құштар доминикандық балалар жазушысы Анья Дамиронның 20-шы кітабы. Бұл қорқыныш туралы оқиға кішкентай оқырмандарды батыл болуға шақырады. Қорқыныштың тек өз миымызда екенін ескертеді. Автордың пікірі бойынша, бұл — мектепке дейінгі және мектеп жасындағы балаларға өз қорқынышына тура қарап, оны жеңіп шығуға көмектесетін көркем безендірілген әрі қызықты кітап.

Бұл кітапша кішкентай бүлдіршіндерді ұстаз, дәрігер, өрт сөндіруші, аспаз, т.б. мамандықтардың қыр-сырымен таныстырады. Кітапша баланың ұсақ қол моторикасын дамытатын түрлі тапсырмалардан, 12 жапсырмадан және жұмбақтардан құралған. 

Лорд Гленарван және оның жұбайы Элен, алаңғасар географ Паганель, батыл теңізші Джон Манглс, майор Мак-Наббс, капитан Гранттың балалары — Мери мен Роберт кемемен жаһанды шарлай саяхаттап, Патагонияны, Австралияны, Жаңа Зеландияны кесіп өтеді. Олар су тасқынынан бас сауғалап, жер аударылған адамдармен кездеседі, адам жегіштердің тұтқынына тап болады, бірақ осындай қиындықтарға қарамастан, кемесі апатқа ұшыраған Гарри Грантты іздеп табады. 

Ганс Христиан Андерсеннің ертегілері өзгеше бір әлем. Ондағы кіп-кішкентай жүрегі мейірімге толы Түймедақ, адамзатқа өзінің пайдасы тиеріне сенімі мол Зығыр балаларды жақсылыққа жетелесе, қиындыққа мойымайтын қалайы солдат қайсарлыққа, төзімділікке үйретеді.
Ертегілер әр түрлі жастағы оқырмандарға арналған

Алыс-алыс аймақта, әлемнің ең шетінде таңғажайып КҮҢГІРТ САЙ деген жер бар екен. Мұнда әртүрлі жаратылыс атаулы балаларын жергілікті мектепке оқуға беру үшін келеді. Себебі бұл мектепте әлемдегі ең керемет мұғалім Кентавр мырза сабақ береді. Алда қала тұрғындарына арналған үлкен қойылым болмақ, оған тіпті қала әкімі қатысады. Алайда Грета әрдайым бәрінің сөзін бөліп, Юджин қатты кекіріп, ал Вульфи мұрнын шұқып отырса, бұл оқушылар бірігіп, қала әкімін таңғалдыратындай қойылым ұйымдастыра ала ма?..

Бұл қызды білмейтін жан жоқ шығар, бірде ол қоянның ініне түсіп кетіп, «Ғажайыптар еліне» тап болған еді, ал осы жолы айнаның ішінен бір-ақ шықты! Оның аты Алиса. Ол салт-дәстүр қатты құрметтелген, әдептілік заңы қатаң сақталған викториан дәуіріндегі Англияда өмір сүреді. Мұнда гүлдердің тілін және қол алысу өнерін, сондай-ақ теміржолда жүру ережелерін үйреніп қана қоймай, Пешкадан Патшайымға айналу жолын жүріп өтесіз. Сондай-ақ кітаптан көбелек моржбен жұп құра ала ма, балықпен не туралы сөйлесу керек, устрицалар джига билей ме, шоколадты қашан ойлап тапты, маркизді бароннан қалай ажыратуға болады, арыстан не себепті сыңармүйізбен төбелеседі деген сияқты қызық сұрақтарға жауап табуға болады. 

Бұл кітапта Сантьяго есімді дәрігер мидың неліктен аса маңызды екенін түсіндіреді. Адам миының құрылымы өте күрделі әрі қызық, қызық болғаны сонша, Сантьяго дәрігер оны ұзақ жылдар бойы зерттеген. Осы тақырыпта көптеген тәжірибелер жасап, зерттеулер жүргізіп, соның арқасында аса маңызды жаңалықтар ашқан. Тіпті осы еңбегі үшін 1906 жылы физиология және медицина саласы бойынша Нобель сыйлығын алған. Ғалымның Нобель сыйлығын алуы спортшының олимпиада медалін алғанымен тең. Сантьяго Рамон-и-Кахаль — осы жүлдеге ие болған тұңғыш испан ғалымы. Енді сен адам миының қалай жұмыс істейтінін білетін боласың! Ал ол үшін саған дәрігер әрі гистолог, Нобель сыйлығының иегері және нейробиологтардың әкесі Сантьяго Рамон-и-Кахаль көмектеседі. 

«Армансыз адам – қанатсыз құспен тең» демекші, арман адамды қанаттандырады, алға жетелейді, ынталандырады, күш сыйлайды. Жолыңа өз сәулесін шашып, биік мақсаттарға жетелейді, өмірден өзіңді табуға көмектеседі.
Біздің кейіпкеріміз Синанның да өз арманы болатын. Ол бала кезінен суретші болуды армандайтын. Алайда қолына қылқаламын алып, енді отыра бергенде бір іс дайын тұратын. Сөйтіп, сүйікті ісіне қанша көңіл бөлгісі келгенімен, уақыт өте берді, өте берді. Күндердің күнінде газеттегі хабарландыруды көзі шалып, жүрек түбіндегі арманы қайта оянды...

Бұл кітапша кішкентай бүлдіршіндерді үй жануарлары және олардың төлімен таныстырып, қоршаған ортаны сүюге, жан-жануарларға қамқорлықпен қарауға баулиды. Кітапша баланың ұсақ қол моторикасын дамытатын түрлі тапсырмалардан, 12 жапсырмадан және жұмбақтардан құралған.

Адам баспаған иесіз аралда қалған Робинзон Крузо адамзат өркениетінің бүкіл жүріп өткен жолын қайта өткеріп, өз тіршілігін қалпына келтіреді. Еріксіз жалғыз ғұмыр кешуге мәжбүр болған талайсыз қаһарман ойлануға мұрсат алып, басына түскен қиындықтың себебіне үңілу арқылы тәубасына келіп, құдай жолына түседі. Жүрегіне иман орнап, жаны тыныштық тапқан Крузо қауіпті де алмағайып жалғызілікті ғұмырында пешенесіне жазылған адам төзгісіз қиындықтардың бәріне төтеп береді. Адамның ақыл-парасаты мен ерік-жігерінің сынға түсіп, шар болаттай шыңдалуының әдеби-көркем баянының үздік үлгісін алдымызға жайып салады.

Жұрттан өзгеше болу қиынның қиыны. Әсіресе бала айдаһар осылай ойлайтын. Өйткені ол барлығы сияқты емес, жарылып қалған жұмыртқадан шыққан еді. Өте әлжуаз, тіпті ұшуды дабілмейтін... Бірақ «Қарға сүйер баласын аппағым деп» айтылатындай, анасы оның ерекше жаратылғанына еш күмән келтірмейтін. Иә, дегенмен алыптар әулетінде бала айдаһар өзін түкке тұрғысыз сезінетін. Алайда бәрі біз ойлағандай бола бермейді...

Оқуда алғырлық танытпайтын, қашан көрсең біреумен ренжісіп жүретін, тіпті ешкіммен дұрыс араласпайтын құрбың бар ма?
Біздің Бүш те сондай еді, шашы ұйпа-тұйпа болып, қолына түскенін киіп кете баратын. Қыздардан гөрі ұлдармен дос болып, футбол ойнағанды ұнататын. Ал анасы үнемі: «Кәдімгі қыздар сияқты жүрсеңші», — деп ренжитін...
Күндердің күнінде өзін қолға алмақ болып, Бүш күнделік жаза бастады. Сөйтіп өзгеру жолындағы жеңістері мен жеңілістерін күнделігімен бөлісіп отырды. Қалай ойлайсыз, бұл оның қолынан келер ме екен?

Бұл кітапша кішкентай бүлдіршіндерді тұрмыстық және асүй заттарымен таныстырып, оларды қалай қолдану керектігін үйретеді. Кітапша баланың ұсақ қол моторикасын дамытатын түрлі тапсырмалардан, 12 жапсырмадан және жұмбақтардан құралған.

Құпияны ашу — Мейзидің ең сүйікті ісі. Ол түрлі жұмбақ жағдайлардың шешімін тапқанды ұнатады. Оның ең басты арманы — өскенде детектив болу. Мейірімді Мейзи өзен жағасында қаптың ішінен күшік тауып алады. Күшігін қапқа салып, өзенге лақтырған адамды анықтауы Мейзидің алғашқы нәтижелі ісі болды. Жас детективтің шешуі тиіс келесі құпия — ет дүкенінде жұмбақ жағдайда жоғалған алты пенсті кім ұрлағанын табу.

Лондонда белгісіз ауру тарап, Мейзидің ең жақын құрбысы Алиса да сырқаттанып қалады. Алисаның әкесі Лейси мырза қызы мен күтушісін қала сыртындағы бір үйге жібермекші болады. Ол бұл сапарға Мейзидің де баруына келісіп, әжесінен рұқсат сұрайды. Қыздар пойыздан түскен соң, өздері бара жатқан үйде елес барын естиді. Алиса бұл сөзден кейін қатты қорқып қалады. Үйде елестің барына тек Мейзи сенбейді. Енді ол шын мәнінде ешқандай да елестің жоқ екенін дәлелдеуі керек...

Америкалық анималист жазушы Эрнест Сетон-Томпсон жануарлар мен құстарды алғашқылардың бірі болып өз шығармаларының кейіпкеріне айналдырды. Қаламгер олардың мінез-құлқы мен әдеттерін шынайы әрі тамаша суреттеген. Оның жабайы аңдар тіршілігі жайында жазылған әңгімелерінің танымал болғаны сонша, болашақтағы бүкіл шығармашылығына үлкен өзгеріс әкелді. Ол өз кейіпкерлерін жақсы біліп қана қоймай, оларды жақсы көрді.
Кітап көпшілік оқырман қауымға арналған.

«Бемби»—әлемге әйгілі жазушы Феликс Зальтеннің Бемби есімді кішкентай болса да, батыл әрі қайсар бұғышақ туралы әсерлі хикаяты. Бемби ержетіп жаңа достар табады, орманның әртүрлі сырларын аша бастайды және орман тұрғындары арасында тараған аңыздардағы патша сияқты болуды армандайды. Қалай ойлайсың, кішкентай Бемби арманына қол жеткізе ала ма? Хикаяттың желісі бойынша мультфильм түсірілген.

Кішкентай Алиса – өте көңілді, әр нәрсеге әуестенгіш, кез келген ғажайыпқа сенуге дайын тұратын кішкентай қыз. Бірде
ол ұйықтап кетіп, ойындар мен жұмбақтарға толы сиқырлы әлемге саяхат жасайды. Мұнда аяғыңызды аспаннан келтіріп баспен жүру, бәліш немесе саңырауқұлақ жеп, өсіп кету немесе керісінше, кішірейіп қалу – әдеттегі нәрсе.
Бұл ғажайып әлемде ғайып болып, соңынан күлкісін қалдырып кететін Чешир мысығы, қалта сағатына қарап үнемі асығып жүретін Ақ қоян өмір сүреді. Алиса ақыл-ойының ұшқырлығы арқасында неше түрлі оқиғаларда жол тауып кетіп отырады.

Роботтар мен дрондар 20-шы ғасырдың жаңалығы емес, олардың тарихы әлдеқайда тереңде жатыр. Жапониядағы «каракури-нингё», әйгілі әл-Джазаридің автоматтандырылған субұрқағы мен заманауи сағаты олар туралы түсініктің өте ерте заманда қалыптасқанына дәлел бола алады.
Жас оқырман, қолыңдағы қызықты иллюстрациялармен безендірілген комикс-кітап сені робототехника тарихымен, робот құрастыруға мүмкіндік беретін негізгі құралдармен таныстырады. Ал «Таңғажайып роботтар залы» бөлімінде әлемдегі ең танымал 25 роботтың тізімі берілген. Бұл кітап саған роботтарды жетілдірілген құралдардан ажыратуды үйретіп қана қоймай, өз роботыңды құрастыруға көмектеседі.

Бұл — швед жазушысы Астрид Линдгреннің тентек Карлсон мен Балақайдың достығы туралы ертегі-хикаяты.
Стокгольмде шатырдағы ең ғаламат үйшікте әлемдегі ең күшті Карлсон тұрады. Балақай бұған нық сенімді. Сенбесеңіз, өзіңіз де оқып, көз жеткізіңіз. Әрдайым көңілді жүретін, қиялы ұшқыр, арқасында пропеллері бар кішкентай адаммен достасуы Балақайдың өмірін түбегейлі өзгертеді.

Это сказка шведской писательницы Астрид Линдгрен о дружбе озорного Карлсона и Малыша.Карлсон, самый влиятельный человек в мире, живет в самом большом доме на крыше Стокгольма. Малыш твердо убежден в этом. Если вы мне не верите, прочитайте и убедитесь сами. Подружка с маленьким человеком, который всегда весел, обладает быстрым воображением и имеет пропеллер на спине, полностью изменит жизнь Малыша.

Петсонның шатырынан Финдустың не тауып алғанын білесіз бе? Қанша ойлансаңыз да, таппайсыз деп ойлаймын. Ол шатыр тауып алды! Иә, иә, кәдімгі саяхатқа шыққанда алып жүретін шатыр. Сөйтіп, екі дос көп ойланып тұрмай сапарға шықпақшы болады, алайда тауықтар да барамыз деп қыр соңдарынан қалмайды. Олардан әрең құтылған екі досты небір қызықтар күтіп тұр еді. Финдус сияқты кішкентай болсаң, бақшада шатыр орнатудың өзі шытырман оқиғаға айналмақ.
Саяхаттаудың қызығы туралы әңгіме балалардың уақытын белсенді өткізуге ынталандыратыны сөзсіз.

Знаешь, что Финдус нашел на чердаке Петсона? Как бы ты ни думал, я не думаю, что ты это найдешь. Он нашел палатку! Да-да, палатка, которую вы берете с собой в очередное путешествие. Итак, двое друзей без долгих раздумий решают отправиться в путешествие, но куры не хотят идти. Двоих друзей, едва сбежавших от них, ждало что-то интересное. Когда ты такой маленький, как Финдус, установка садовой палатки может стать настоящим приключением.

Мейзи өзінің досы профессор Тобиннің дүние жүзіне жасаған саяхаты кезінде жинаған таңғажайып заттарын тамашалағанды ұнатады. Бірақ бір күні сол заттардың арасынан бағалы әрі өте сирек кездесетін қауырсынды бетперде ұрланады. Бетпердені ұрлаған кім? Мейзи өзінің келесі детективтік ісін неден бастайды? Ұрлықшыны табуға Мейзиге кім көмектеседі?

Мейзи любит рассматривать удивительные вещи, которые ее друг профессор Тобин собрал во время своих путешествий по миру. Но однажды среди этих вещей украдена драгоценная и очень редкая пернатая маска. Кто украл маску? Где Мейзи начнет свой следующий детективный бизнес? Кто поможет Мэйзи найти вора?

Құпияны ашу — Мейзидің ең сүйікті ісі. Ол түрлі жұмбақ жағдайлардың шешімін тапқанды ұнатады. Оның ең басты арманы — өскенде детектив болу. Сахна жұлдызы Сара Мэссей Лейн ханымның үйіне қонаққа келгенде, Мейзи бір құпияның бар екенін түсінді. Сара шарасыз күйде болды. Оның сүйіктісі сыйлаған құнды меруертті алқасы жоғалған. Мейзи оған көмектесуді ұйғарып, алқаны іздеуге кіріседі. Бірақ театр әлемінде құпияны ашу оңай емес...

Любимое занятие Мейзи — раскрывать секреты. Ему нравится решать различные загадочные ситуации. Его главная мечта – стать детективом, когда вырастет. Когда звезда театра Сара Мэсси посещает дом миссис Лейн, Мэйзи узнает секрет. Сара была в отчаянии. Пропало ценное жемчужное ожерелье, подаренное ей возлюбленным. Мейзи решает помочь ему и начинает искать ожерелье. Но в мире театра тайны раскрывать непросто...

«Персонажем» книги является микроб, вызывающий туберкулез. Он активный и умный, он человек месяца, и он очень застенчивый. Чтобы выжить и построить собственную империю, он входит в тело ребенка и ждет более комфортного времени. Микроб «говорит» подробной и интересной информацией о внутренних органах растущего ребенка, путешествующего вместе с человеческим телом.
В книге также рассказывается об Ахмете, который победил в борьбе с болезнью. В спа-салоне он решил написать свой кейс с целью оценки, поддержания здоровья, помощи кому-то.

Это история шведской писательницы Астрид Линдгрен о дружбе щупальца Карлсона и Балакая.
В Стокгольме самый великолепный дом на крыше является домом для самого могущественного Карлсона в мире. Балакай убежден в этом. Если не верите, прочтите сами и посмотрите. Жизнь Балакая кардинально меняет тот факт, что он всегда веселый путешественник, хитрый летун и маленький человечек с двигателями на спине.

Кітапта динозаврлардың эволюциясы мен олардың ағзасының қызметі және анатомиялық ерекшеліктері жайлы сөз болады. Сондай-ақ динозаврлардың 50-ден аса түрі таныстырылған, оның ішінде трианнозавр, жираффатитан, сонымен қатар кейінгі археологиялық олжа – насутоцератопс та бар. Ықшамды да мазмұнды сипаттамалардың арқасында жас оқырмандар динозавр түрлерінің ерекшеліктері, қазба жұмыстары және мезозой дәуірінде ғаламшарымызды жайлаған осы бір омыртқалы жануарлар қалдықтарының зерттелуі туралы көптеген қызықты мәліметтер алады.

Алан Александр Милнның «Винни-Пух және бәрі-бәрі-бәрі» ертегісі — күлкілі қонжық пен оның достары туралы хикая. Кристофер Робин, балды жақсы көретін қонжық Винни-Пух, ұялшақ және қарапайым торай Талпақ танау, тәкаппар Қоян, қайғылы есек Иа-Иа, ақылды Үкі қызықты оқиғаларға тап болады. Виннидің бал алуға тырысқан оқиғасы балаларды сақтық пен ұқыптылыққа үйретсе, Үкінің қателіктерін көріп, сауатты болудың маңызды екенін түсінесіз. Иа-Ианың туған күніне куә болған соң, жақын адамдарыңыздың туған күніне сыйлық таңдауда мұқият боласыз. Кітап кез келген жастағы балаларға арналған.

Арыстан патша жан-жануарларды жинап, орманның жаңа заңымен таныстырды: «Бұдан былай қос есімге ие жануарлар бір ғана есімді таңдауы керек». Есекара шешім қабылдауы керек, есек бола ма, әлде ара ма? Жыланбалық та енді не жылан, не балық болады. Ал Түйеқұс ше? Түйе болуды таңдай ма? Әлде құс бола ма? Арыстан патшаның бұл заңы орманға қалай әсер етеді деп ойлайсың? 

Кез келген отбасыда балалар арасындағы қызғаныш жиі орын алып жатады. Ата-ана баланың бұл сезімді жеңуіне көмектесе алады. Баланы бауырмал әрі бақытты болуға тәрбиелейтін бұл кітапта отбасы мүшелеріне арналған ақыл-кеңестер де берілген. 

Жануарлар патшалығында үлкенді-кішілі, алуан түрлі төлдер бар. Кейбіреуі ата-анасынан аумай қалған, енді біреуі мүлде ұқсамайды. Олардың бірі мұз үстінде, екіншісі мұхиттың түбінде өмірге келеді. Кей батыр балақайлар қоршаған ортаны өз бетімен зерттеуге кірісіп кетсе, басқалары жылдар бойы анасының қасынан шықпай өмір сүреді. Бірақ барлығына ортақ нәрсе — балақайлардың бәрі де сүп-сүйкімді!

Бұл — швед жазушысы Астрид Линдгреннің тентек Карлсон мен Балақайдың достығы туралы ертегі-хикаяты.
Стокгольмде шатырдағы ең ғаламат үйшікте әлемдегі ең күшті Карлсон тұрады. Балақай бұған нық сенімді. Сенбесеңіз, өзіңіз де оқып, көз жеткізіңіз. Әрдайым көңілді жүретін, қиялы ұшқыр, арқасында пропеллері бар кішкентай адаммен достасуы Балақайдың өмірін түбегейлі өзгертеді. 

Это сказка шведской писательницы Астрид Линдгрен о дружбе озорного Карлсона и Малыша.

Бүш бізге қаншалықты тентек көрінгенімен, қарттарды құрметтеуді, жан-жануарды аялауды, қиналған адамға қол ұшын беруді, әділдік үшін күресуді, жанашырлықпен жақсылық жасаудыүйретеді. Бүштің күнделігі — мына әлемге жас қыздың көзімен
қарағандағы ерекше әрі күлкілі оқиғаларының жиынтығы.

Каким бы непослушным это ни казалось, Буш учит нас уважать пожилых людей, защищать животных, помогать страждущим, бороться за справедливость и творить добро с состраданием. Дневник Буша – мир глазами молодой девушки, сборник необычных и забавных историй.

«Чиполлино» сөзі итальян тілінен аударғанда «пияз» дегенді білдіреді. Белгілі итальян жазушысы Джанни Родаридің пияз-балақай жайлы ертегісі бүкіл әлем балаларына таныс. Чиполлино есімді көңілді әрі тентек мінезді балақай өзінің жеміс-жидек пен көкөністен тұратын тұрғындарына көмекке келеді. Ол достарымен бірге әділеттілікті жақтап, қатыгез ханзада Лимонға, ашушаң сеньор Қызанақ пен сүйкімсіз Шие графиняларға қарсы тұрады. Осы жолда олар небір қиындыққа тап болса да, мойымай жеңіске жетуге тырысады.

Слово «Чиполлино» в переводе с итальянского означает «лук». Сказка известного итальянского писателя Джанни Родари о ребёнке-луковице знакома детям всего мира. На помощь своим фруктово-овощным жителям приходит веселый и озорной мальчик по имени Чиполлино. Вместе со своими друзьями он отстаивает справедливость против жестокого принца Лимона, злого сеньора Помидора и непривлекательной графини Черри. По пути они стараются победить, несмотря ни на какие трудности.

Әлемге әйгілі балалар жазушысы Астрид Линдгреннің аталмыш еңбегі Швецияда «Балақай және шатырда тұратын Карлсон» кітабынан әлдеқайда танымал екенін біреу білсе, біреу біле бермес. Қаламгердің Карин атты қызы ауырып қалғанда, әр кеш сайын көңілін аулау мақсатында ойлап шығарған әңгімесі кейіннен қызықты хикаятқа айналды. Айтқанға көнбейтін баланың психологиясын негізге ала отырып жазылған шығарма бұл күнге дейін әлемнің 80-ге жуық тіліне аударылған. Қазақ тіліне алғаш рет ағылшын тілінен аударылып отырған «Ұзыншұлық Пиппи» қазақ тілінде кітап оқитын оқырман қауымның да әдебиет пен кітапқа деген құрметін еселендіреді деп үміттенеміз.

Некоторые знают, что это произведение всемирно известной детской писательницы Астрид Линдгрен пользуется в Швеции большей популярностью, чем книга «Младенец и Карлсон, который живет на чердаке». Когда заболела дочь писателя Карин, история, которую он придумывал каждый вечер, чтобы развлечься, впоследствии превратилась в интересную историю. Произведение, написанное на основе психологии ребенка, отказывающегося подчиняться, переведено примерно на 80 языков мира. Мы надеемся, что «Узыншулык Пеппи», который впервые переводится на казахский язык с английского, удвоит уважение к литературе и книге среди читателей, читающих книги на казахском языке.